Rajura Illegal Sand Mining | राजुरा तहसील प्रशासनाची कारवाई

पाचकमनीतून येत असलेल्या अवैध वाळू माफियांना चपराक

Rajura Illegal Sand Mining | राजुरा | तालुक्यातील महसूल विभागाच्या कारवाईने पुन्हा एकदा सिद्ध केले की, प्रशासनाणे खरोखर इच्छाशक्ती दाखवली तर वाळू माफियांचे राज्य जास्त काळ टिकत नाही. २० सप्टेंबर २०२५ रोजी नायब तहसीलदार श्री. पी. गावंडे यांच्या नेतृत्वाखालील पथकाने अवैध वाळू वाहतूक करीत असलेला हायवा जप्त करून तहसील कार्यालयात उभा केला. ही घटना केवळ एका वाहनापुरती मर्यादित नाही, तर राजुरा परिसरातील बेकायदेशीर वाळू व्यवसायावर प्रशासनाने लावलेली थेट मोहर आहे.

रात्री ११:१५ सुमारास चूनाळा रेल्वे फाटक परिसरात महसूल विभागाचे अधिकारी व कर्मचारी — पंचशील भोयर, प्रतीक भैसरे आणि भीमराव सावळे यांनी अचानक छापा टाकला. तपासणीदरम्यान MH-34-AB-1403 हा हायवा वाळूने गच्च भरलेला दिसून आला. चौकशी केली असता वाहनावरील वाळूची कोणतीही कायदेशीर कागदपत्रे चालकाकडे नसल्याने तात्काळ वाहन जप्त करण्यात आले व अंदाजे तीन ब्रास वाळूंसह तहसील कार्यालयात उभा करण्यात आला.

मालकाचा तपशील उघड

या हायवाचा मालक श्रीहरी अंचुरी, रा. बामणी, ता. बल्लारपूर असा असल्याचे स्पष्ट झाले आहे. अनेकदा वाळू तस्करीत या भागासह विहीरगाव (पाचकमानी), वरुर, विरूर, धानोरा, आर्वी क्षेत्रातून काही वाहनांचा समावेश होत असल्याचे पत्रकारांने आपल्या बातम्याने व नागरिकांनी प्रशासनाला कळवले होते. पण या घटनेनंतर नावासकट खुला पुरावा प्रशासनाकडे आला असून, आता या प्रकरणात मोठी चौकशी अपरिहार्य ठरणार आहे.

प्रशासनाची भूमिका कडक, पण पुरेशी का?

नियमांनुसार पुढील कार्यवाही सुरू झाल्याचे तहसील कार्यालयाने सांगितले असले तरी, फक्त वाहन जप्त करून खटला दाखल करणे हे अपुरे आहे. वाळू माफिया वर्षानुवर्षे लोकांच्या डोळ्यांसमोर जंगल, नद्या व ओढ्यांमधून माती चोरून नेत आहेत. एकीकडे शेतकरी दुष्काळात पाण्याच्या थेंबासाठी रडतोय, तर दुसरीकडे हे माफिया नद्यांचा कणा मोडून करोडोंची कमाई करत आहेत. प्रशासनाच्या अशा "दाखवण्यापुरत्या" कारवायांनी जनतेत विश्वास निर्माण होईल का? हा मोठा प्रश्न आहे.

जनतेचा संताप – “एक हायवा पकडून काय होणार?”

राजुरा व बल्लारपूर परिसरातील जनतेमध्ये संतापाचे वातावरण आहे. नागरिक थेट म्हणत आहेत — "फक्त एक हायवा पकडला म्हणून प्रशासन आपली जबाबदारी पूर्ण झाली असे समजू नये. नद्यांच्या किनाऱ्यावर रात्री-दिवस डझनभर डंपर धावत असतात, मग ते कोणत्या आकाशातून येतात?" हा थेट आरोप महसूल विभाग आणि पोलिस यांच्यावरच आहे. कारण परवानगीशिवाय एवढ्या प्रमाणावर वाळू तस्करी होणे म्हणजे स्थानिक प्रशासनाची थेट किंवा अप्रत्यक्ष संगनमताची शंका निर्माण करणारे आहे.

वाळू माफियांची राजकीय पाठराखण

वास्तव हे आहे की, अवैध वाळू व्यवसायाला राजकीय छत्रछाया नसती तर तो एवढा फोफावला नसता. आज जप्त झालेल्या वाहनाचा मालक कोणत्या नेत्यांशी जवळीक ठेवतो? कोणत्या दलालामार्फत हा व्यवसाय चालतो? आणि सर्वात महत्त्वाचे म्हणजे, तहसील स्तरावर कारवाई होत असताना जिल्हा प्रशासन नेमके कुठे आहे? हे सर्व प्रश्न आता टाळता येणार नाहीत.

कडक शिक्षा देण्याची मागणी

जनतेची मागणी स्पष्ट आहे — अवैध वाळू वाहतूक करणाऱ्यांवर केवळ वाहन जप्ती नाही, तर गुन्हे दाखल करून कठोर शिक्षा झाली पाहिजे. अन्यथा अशा कारवायांचे काहीही औचित्य नाही. नदी-नाले उद्ध्वस्त करून माफियांनी निसर्गाशी खेळ केला आहे. भविष्यातील पिढ्यांसाठी ही थेट आपत्ती ठरू शकते.

प्रशासनाने जबाबदारी पार पाडली पाहिजे

राजुरा तहसील प्रशासनाने आज दाखवलेली कारवाई कौतुकास्पद आहे, पण ही केवळ सुरुवात आहे. जोपर्यंत नियमित गस्त, सतत छापे आणि कठोर कायदेशीर कारवाई होत नाही, तोपर्यंत वाळू माफियांचा दरारा कमी होणार नाही. तहसील कार्यालयात हायवा उभा करून फोटो काढण्यापेक्षा न्यायालयात शिक्षा करून दाखवणे गरजेचे आहे. अन्यथा या माफियांचा धंदा असाच सुरू राहील आणि प्रशासन फक्त कागदोपत्री कारवायांपुरतेच मर्यादित राहील.

ही कारवाई नक्कीच संदेश देते की, प्रशासन जागे आहे. पण नागरिक आता थांबणार नाहीत. जनतेची मागणी आहे — "फक्त वाहन जप्ती नाही, तर माफियांचे साम्राज्य उद्ध्वस्त झाले पाहिजे."

What happened in Rajura on 20 September 2025?

A Hyva truck carrying illegal sand was seized by the tehsil officials during a raid near Choonala railway crossing.

Who led the operation against illegal sand transport?

The raid was led by Naib Tehsildar P. Gawande, along with Panchashil Bhoir, Pratik Bhaisare, and Bhimrao Sawale.

Who owns the seized vehicle and what was found?

The Hyva truck (MH 34 AB 1403), owned by Shrihari Anchuri from Ballarpur, was carrying around 3 brass of illegal sand.

What action has been taken after the seizure?

The truck and sand were deposited at Rajura tehsil office, and legal proceedings under mining and revenue laws have been initiated.

#Rajura #Chandrapur #IllegalSandMining #SandMafia #Maharashtra #TehsilAction #BreakingNews #RajuraUpdate #MiningScam #SandSeizure #HyvaTruck #EnvironmentalCrime #StopSandMafia #RajuraTehsil #ChandrapurNews #MiningCorruption #SandSmuggling #LawEnforcement #TehsilOffice #RajuraBreaking #SaveRivers #IllegalMining #MaharashtraPolice #RevenueDept #RajuraAction #MafiaNexus #RajuraSandSeizure #RajuraInvestigation #BanIllegalMining #SandTheft #RajuraTruth #MiningMafia #StopSandLoot #TehsilRaid #ChandrapurUpdate #RajuraExposure #SandScam #RajuraVoice #SandPolitics #RajuraReport #MiningExposed #IllegalSandTrade #RajuraToday #TehsilAlert #MiningCrisis #RajuraHeadlines #StopLoot #JusticeForRivers #RajuraInvestigationUpdate #SandSeizureRajura #ChunalaNews #RajuraNews #ChandrapurNews #MarathiNews #MahawaniNews #TahsilOfficeRajura #Batmya #VeerPunekarNews