Ambulance Service : ग्रामीण रुग्णालय शेणगावला नवीन रुग्णवाहिका

आप पक्षाच्या पाठपुराव्यामुळे शेणगाव रुग्णालयाची सुविधा उंचावली

संग्रहित छायाचित्र

जिवती: शेणगाव ग्रामीण रुग्णालय, गेल्या दोन वर्षांपासून ग्रामीण भागातील रुग्णसेवा देत आहे. मात्र, सुरुवातीपासूनच या रुग्णालयासाठी दिलेली रुग्णवाहिका जुनी आणि धोकादायक स्थितीत होती. जिवती तालुका हा डोंगराळ आणि दुर्गम भाग असल्यामुळे रस्त्यांची दुर्दशा आणि खडतर प्रवासामुळे या रुग्णवाहिका रुग्णांपर्यंत वेळेत पोहोचणे आव्हानात्मक ठरले होते. रात्रंदिवस या खराब अवस्थेतील रुग्णवाहिकेवर अवलंबून राहणे अडचणीचे होते, कारण ती कोणत्याही क्षणी बंद पडू शकत होती.

तरीही, रुग्णवाहिका चालक रामेश्वर शेळके आणि त्यांचे सहकारी नामदेव जाधव यांनी या आव्हानांना सामोरे जात रुग्णसेवा सातत्याने सुरू ठेवली. अशा कठीण परिस्थितीतही त्यांनी कोणताही हलगर्जीपणा न करता रुग्णांपर्यंत वेळेवर पोहोचण्याचा प्रयत्न केला. शेणगाव रुग्णालयातील कर्मचाऱ्यांसाठी ही समस्या वाढतच चालली होती, ज्यामुळे रुग्णसेवेत अडथळे निर्माण होत होते.

                                                                          

ही परिस्थिती पाहून आम आदमी पक्षाचे (आप) राजुरा विधानसभा प्रमुख सुरज ठाकरे यांच्या मार्गदर्शनाखाली जिवती तालुका अध्यक्ष सुनिल राठोड आणि त्यांच्या टीमने या प्रश्नावर ठोस उपाययोजना करण्याचे ठरवले. सुनिल राठोड यांच्यासह गोविंद गोरे, गोपाल मोहिते, नितेश करे, आणि अविनाश जाधव यांनी सतत पाठपुरावा करत आरोग्य मंत्री आणि जिल्हा आरोग्य अधिकारी, चंद्रपूर यांना समस्ये बाबत अनेक निवेदने सादर केली. त्यांच्या सातत्यपूर्ण पाठपुराव्याचा अखेर सकारात्मक परिणाम झाला आणि आज शेणगाव रुग्णालयाला नवी रुग्णवाहिका मिळाल्याने रुग्णसेवा अधिक सुकर आणि वेगवान होणार आहे.

नवीन रुग्णवाहिका मिळाल्याने रुग्णालयाच्या कर्मचाऱ्यांमध्ये आनंदाचे वातावरण आहे. कर्मचाऱ्यांनी सुनिल राठोड आणि त्यांच्या टीमचे आभार मानत त्यांच्या अथक प्रयत्नांचे कौतुक केले आहे. नवीन रुग्णवाहिकेमुळे आता रुग्णालयातील आपत्कालीन सेवा सुधारतील आणि दूरवरच्या गावांपर्यंत वेळेत पोहोचणे शक्य होईल.

#Mahawani #MahawaniNews #MahawaniNewsHub #marathiNews #veerpunekar #Chandrapur #rajura #korpana #healthcare #ruraldevelopment #newambulance #publichealth #ShegaonHospital #ruralindia #ambulanceservice #AAP #AamAadmiParty #SurajThakre #SunilRathod #publicservice #ChandrapurNews #healthminister #districthealth #villagedevelopment #healthcareaccess #emergencyservices #socialwork #healthcareheroes #communityservice #ruralinfrastructure #healthsystem #publicwelfare #marathinews #IndianHealthcare #JivatiTaluka #AmbulanceUpgrade #publichealthimpact #MahawaniUpdates #trendingnews #newsportal #SEO