Mahawani News - Leading Coverage Across Maharashtra & Chandrapur

प्रा. अनंत डोंगे यांच्या जन्मदिनानिमित्त आयोजित शिबिरात शंभर विद्यार्थ्यांचा सहभाग

तपासणी शिबिरा वेळचे छायाचित्र

• महावाणी : विर पुणेकर
• ०५ सप्टेंबर २०२४

राजूरा : प्रा. अनंत डोंगे यांच्या जन्मदिनाचे औचित्य साधून महाराष्ट्र राज्य मराठी पत्रकार संघ, मुंबई शाखा राजुरा आणि नैसर्गिक पर्यावरण संवर्धन व मानवता विकास संस्थेच्या संयुक्त विद्यमाने आदर्श हायस्कूल, राजुरा येथे शालेय विद्यार्थ्यांचे रक्तगट आणि सिकल सेल तपासणी शिबिर आयोजित करण्यात आले. या स्तुत्य उपक्रमाचे आयोजन विद्यार्थ्यांच्या आरोग्याबद्दल जागरूकता निर्माण करण्याच्या उद्देशाने करण्यात आले. Health Camp

बालविद्या शिक्षण प्रसारक मंडळ राजुराचे अध्यक्ष सतीश धोटे आणि वैद्यकीय अधीक्षक डॉ. अशोक जाधव (उपजिल्हा ग्रामीण रुग्णालय, राजुरा) यांच्या मार्गदर्शनाखाली या शिबिराचे आयोजन करण्यात आले होते. कार्यक्रमाच्या अध्यक्षस्थानी आदर्श हायस्कूलचे मुख्याध्यापक एस. डी. जांभुळकर होते. सत्कारमूर्ती प्रा. अनंत डोंगे यांनी विद्यार्थ्यांना आरोग्याची महत्त्वता पटवून दिली आणि त्यांचा पुढील शैक्षणिक व सामाजिक वाटचालीसाठी शुभेच्छा दिल्या.

प्रमुख अतिथी म्हणून आदर्श मराठी प्राथमिक शाळेच्या मुख्याध्यापिका एन. पी. पिंगे, नैसर्गिक पर्यावरण संवर्धन व मानवता विकास संस्थेचे प्रदेश अध्यक्ष बादल बेले, महाराष्ट्र राज्य मराठी पत्रकार संघ, राजुराचे अध्यक्ष सतीश शिंदे, सचिव ॲड. राहुल थोरात यांची उपस्थिती होती. तसेच उपजिल्हा ग्रामीण रुग्णालयाच्या आरोग्य सेविका पूजा गायकवाड आणि शुभांगी पुरटकर यांनी शिबिरात महत्त्वपूर्ण भूमिका बजावली.

या शिबिरात आदर्श हायस्कूल, राजुरा येथील ८वी ते १०वीच्या विद्यार्थ्यांनी मोठ्या संख्येने सहभाग घेतला. सुमारे १०० विद्यार्थ्यांची रक्तगट आणि सिकल सेल तपासणी करण्यात आली. विद्यार्थ्यांनी या तपासणी शिबिराचा लाभ घेताना आरोग्याविषयीची महत्त्वपूर्ण माहिती जाणून घेतली.

कार्यक्रमाचे सूत्रसंचालन बादल बेले यांनी केले. यावेळी महाराष्ट्र राज्य मराठी पत्रकार संघाचे सहसचिव कैलास कार्लेकर, कोषाध्यक्ष राकेश कलेगुरवार, संघटक लोकेश पारखी, प्रसिद्धी प्रमुख अंकुश भोंगळे, रत्नाकर पायपरे, गौरव कोडापे, संतोष देरकर (नागपूर विभाग सहसचिव, नेफडो), तसेच शिक्षक वृंद आणि विद्यार्थी मोठ्या संख्येने उपस्थित होते. Health Camp

या शिबिराच्या आयोजनामुळे विद्यार्थ्यांना त्यांचे रक्तगट आणि सिकल सेलसारख्या गंभीर आजारांविषयी जागरूकता निर्माण झाली आहे. अशा उपक्रमांमुळे शालेय विद्यार्थ्यांमध्ये लहान वयापासूनच आरोग्याची काळजी घेण्याची सवय लागते. तसेच, पालक आणि समाजात आरोग्य विषयक चर्चा होण्यास सुरुवात होते, जे आरोग्य क्षेत्राच्या दृष्टीने अत्यंत महत्त्वाचे ठरते.

प्रा. अनंत डोंगे यांच्या जन्मदिनानिमित्त आयोजित रक्तगट व सिकल सेल तपासणी शिबिराने विद्यार्थ्यांच्या आरोग्याच्या दृष्टीने एक महत्वपूर्ण पाऊल उचलले आहे. अशा उपक्रमांचा विद्यार्थ्यांवर सकारात्मक प्रभाव पडतो आणि त्यांच्या शारीरिक आणि मानसिक विकासाला चालना मिळते.

#SchoolBloodGroupCamp #SickleCellScreeningCamp #StudentHealthCheckup #AnantDongeBirthdayEvent #MaharashtraPatrakarSangh #StudentBloodGroupTest #RajuraHealthCamp #AnantDongeHealthInitiative #SchoolMedicalScreeningRajura #SickleCellAwarenessCamp #MarathiNews