Illegal Liquor Seizure | कढोलीत गांधी जयंतीला महिलांचा दणका

अवैध दारूच्या ठेपेवर धाड, पोलिसांनाही झुकवले

Illegal Liquor Seizure |  राजुरा | २ ऑक्टोबर २०२५ गांधी जयंतीसारख्या पवित्र दिवशी राजुरा तालुक्यातील कढोली (बु.) गावाने एक वेगळा लढा उभा केला. अहिंसेच्या या दिवशी गावातील महिलांनी मात्र थेट बेकायदेशीर दारू विक्रेत्यांविरुद्ध युद्ध छेडले. सकाळी नऊच्या सुमारास शेतशिवारात काम करणाऱ्या महिलांना अवैध दारू विक्री सुरू असल्याची माहिती मिळताच त्यांनी थेट कारवाई केली आणि रंगेहात ९७ देशी दारूच्या बाटल्या ताब्यात घेतल्या. या बाटल्यांमध्ये राकेट बॅच नं. २९२ दिनांक १५ सप्टेंबर २०२५ (नाव: शेख) व ३०० दिनांक २० सप्टेंबर २०२५ (नाव: रामा) असे बॅच क्रमांक नमूद होते. महिलांच्या या धाडसी पावलाने गावात मोठी खळबळ माजली असून पोलिस प्रशासनालाही अवघड परिस्थितीला सामोरे जावे लागले.

Illegal Liquor Seizure

गावकऱ्यांच्या संतापाचे स्वर पोलिसांपर्यंत पोहोचताच सकाळी अकराच्या सुमारास पोलीस उपनिरीक्षक पराग उल्लेवार, विनोद कोखोते व दीपक लालसरे घटनास्थळी दाखल झाले. त्यांनी महिलांकडून जप्त केलेल्या ९७ बाटल्या ताब्यात घेण्याचा प्रयत्न केला. परंतु गावातील महिलांनी ठाम भूमिका घेत, "सुरुवातीला अवैध दारू विक्रेत्यांना अटक करा, नंतर हा साठा घ्या" असा हट्ट धरला. पोलिसांना एका क्षणी महिलांच्या निर्धारासमोर झुकावे लागले. उपनिरीक्षक उल्लेवार यांनी महिलांना समजावून सांगितले की, प्रथम मुद्देमाल पोलिसांकडे न गेल्यास कायदेशीर कारवाई शक्य नाही. बराच वेळ चाललेल्या या वादानंतर अखेर महिलांनी पोलिसांना साठा हस्तांतरित केला.

Illegal Liquor Seizure

ही घटना केवळ एका दिवसाची नाही. गावातील महिलांचा क्रोध आधीपासूनच पेटलेला आहे. याच गावातील समस्त महिलांनी यापूर्वी राजुरा पोलिस ठाण्यावर मोर्चा काढून, गावातील अवैध दारू बंद करण्यासाठी निवेदन सादर केले होते. त्यावेळी पोलिसांनी थोडेसे दाखलेबाज स्वरूपाची कारवाई केली होती. मुख्य चौकातील विक्री बंद करण्यात आली होती, पण हेच विक्रेते गावकुसाबाहेर थाटाने पुन्हा अवैध धंदा सुरू करून बसले. महिलांनी दाखवलेल्या संयमाचा बांध अखेर गांधी जयंतीला तुटला आणि त्यांनी कायद्याची कास धरून स्वतःच कारवाई केली.

Illegal Liquor Seizure

गावातील नागरिकांच्या स्मरणात अजूनही जखमेप्रमाणे ताजे आहे की, दूषित दारू पिऊन या गावातील दोन तरुणांचा काही महिन्यांपूर्वी मृत्यू झाला होता. त्या घटनेनंतरही दारूबंदीचा सवाल फक्त कागदोपत्री राहिला. शासन आणि पोलिसांचे केवळ बैठकीपुरते आश्वासन गावकऱ्यांच्या जिवावर उठले. त्यामुळे महिलांनी उचललेले हे पाऊल ही केवळ कायदेशीर लढाई नव्हे तर सामाजिक बंडखोरी ठरली आहे.

Illegal Liquor Seizure

पोलिसांनी घटनेनंतर गावातील इतर ठिकाणी झडती घेतली. मात्र कुठेही अवैध दारूचा साठा हाती लागला नाही. तरीही, पकडलेल्या बाटल्यांच्या मूळ स्रोताबद्दल महत्त्वाची माहिती पुढे आली आहे. सदर दारू चंद्रपूर येथून पुरवली जात असल्याचा प्राथमिक तपास सांगतो. म्हणजेच हा फक्त कढोलीचा प्रश्न नाही; ही अवैध दारू पुरवठ्याची साखळी आहे जी राजुरा तालुक्यापर्यंत पोहोचली आहे.

Illegal Liquor Seizure

कायदा मोडून चालणाऱ्या या अवैध दारूच्या व्यवसायाला खाकीची छत्रछाया लाभते का, हा प्रश्न पुन्हा एकदा डोके वर काढतो. कारण महिलांनी यापूर्वी दिलेले निवेदन, केलेली मागणी आणि झालेली मृत्यूंची शोकांतिका असूनही दारू विक्रेते थाटामाटात विक्री सुरू ठेवतात. यावरून पोलिस कारवाई ही केवळ दिखाऊ असून मूळ मुळापर्यंत हात घालण्याची तयारी नाही, हे स्पष्ट होते.

Illegal Liquor Seizure

कढोलीच्या महिलांनी गांधी जयंतीच्या दिवशी अवैध दारूविरोधात उभारलेली ही लढाई खरी ‘जन आंदोलनाची ठिणगी’ ठरली आहे. प्रशासनाची उदासीनता, पोलिसांचा दिखावा आणि दारूबंदी कायद्याची पायमल्ली या तिन्हींच्या विरोधात त्यांनी आवाज बुलंद केला आहे. प्रश्न असा की, आता तरी पोलिस प्रशासन खरोखर कारवाई करेल का? की नेहमीप्रमाणे काही बाटल्या जप्त करून कागदोपत्री नोंद पूर्ण करून सर्व काही थंड केले जाईल?

Illegal Liquor Seizure

कढोलीच्या महिलांनी दाखवलेला हा विरोध आता इशारा आहे — गावगावात महिलांनीच पुढाकार घेतला तर अवैध दारू विक्रेत्यांना पळ काढावा लागेल. पण जर कायद्याचे रक्षकच हातावर हात धरून बसले, तर हे बंडखोरीचा ज्वालामुखी आणखी भडकणार हे निश्चित आहे. गांधींच्या स्मृतिदिनी कढोलीने दिलेला हा संदेश दुर्लक्षित करणे म्हणजे लोकशाहीच्या मुळावर घाव घालणे होय.

What happened in Kadholi (Bk.) on Gandhi Jayanti?

Villagers, led by women, seized 97 illegal liquor bottles being sold in fields and demanded police action against sellers.

How did the police respond to the liquor seizure?

Police attempted to take custody of the liquor, but women insisted on arresting the sellers first before handing over the seized stock.

Why are Kadholi women protesting against liquor?

The village has suffered from deaths due to spurious liquor, and despite prior complaints, illegal sales continued, fueling anger among women.

Where did the seized liquor come from?

Primary investigation revealed the liquor was supplied from Gaddamwar liquor unit near Benar Chowk, Chandrapur.

#Kadholi #Rajura #Chandrapur #IllegalLiquor #LiquorSeizure #WomenPower #GandhiJayanti #AntiLiquorDrive #MaharashtraNews #BreakingNews #ChandrapurUpdate #WomenProtest #LiquorBan #KadholiVillage #SocialJustice #PoliceAction #GrassrootActivism #LiquorSmuggling #ChandrapurDistrict #RajuraTaluka #StopLiquorMafia #LiquorAwareness #IllegalTrade #CommunityAction #AlcoholFreeVillage #FightAgainstLiquor #WomenMovement #VillageResistance #KadholiWomen #LiquorMafiaExposed #BanLiquor #LiquorRaid #PeoplePower #LiquorPolitics #WomenRevolt #ChandrapurBreaking #JusticeForVillagers #AntiLiquorCampaign #LiquorMafia #PoliceAccountability #LocalNews #IndianJournalism #GroundReport #LiquorCrisis #BanCountryLiquor #LiquorControl #CommunityStrength #NewsUpdate #GrassrootsMovement #KadholiFight #MahawaniNews #MarathiNews #KadholiNews #VeerPunekarReport #RajuraNews #ChandrapurNews #RajuraPolice #Paragullewar