Rajura Politics | आमदारांवर सुभाष धोटे यांचा घणाघाती हल्ला

जनतेचे प्रश्न दुय्यम, श्रेय घेण्याची स्पर्धा पहिल्या क्रमांकावर

Rajura Politics | राजुरा | राजकारणाचा उद्देश जनतेच्या मूलभूत गरजा पूर्ण करणे, प्रश्न सोडवणे आणि न्याय देणे असतो. परंतु राजुरा मतदारसंघाची स्थिती याच्या नेमक्या उलट दिशेने चालली असल्याची तीव्र टीका काँग्रेसचे जिल्हाध्यक्ष तथा माजी आमदार सुभाष धोटे यांनी रविवारी पत्रकार परिषदेत केली. शेतकरी, कामगार आणि सामान्य नागरिकांच्या व्यथा ऐकण्याऐवजी आमदार केवळ श्रेय घेण्याच्या राजकारणात मश्गुल असून, प्रशासनालाही जनतेच्या प्रश्नांकडे जाणीवपूर्वक पाठ फिरवण्याचे आदेश दिल्यासारखे वागवले जात आहे, असा रोखठोक आरोप धोटे यांनी केला. त्यांच्या या विधानांनी राजकीय वातावरण चांगलेच तापवले आहे.

Rajura Politics

अवकाळी पावसाने उद्ध्वस्त झालेले शेतकरी आणि शासनाची बेपर्वाई

धोटे यांनी सर्वप्रथम जिल्ह्यातील शेतकऱ्यांची दारुण परिस्थिती अधोरेखित केली. अवकाळी पावसाने मोठ्या प्रमाणात पीक हानी झाली, शेतकरी कर्जाच्या विळख्यात सापडले, मात्र शासनाने चंद्रपूर जिल्ह्याला भरपाईच्या यादीतून वगळले. धोटे म्हणाले, “पाच-पाच आमदार असलेल्या जिल्ह्यात शेतकऱ्यांना न्याय मिळत नसेल तर ही शोकांतिका आहे. अन्यायकारक निकष लावून शेतकऱ्यांना मदतीपासून वंचित ठेवले जात आहे. खतांच्या टंचाईत शेतकऱ्यांना वाऱ्यावर सोडले गेले. जर शासनाने लक्ष दिले नाही तर काँग्रेस रस्त्यावर उतरून आंदोलन करेल.”

Rajura Politics

मतदार चोरी आणि बोगस नोंदणी प्रकरण : लोकशाहीला चपराक

लोकशाहीचे पायाभूत तत्व म्हणजे स्वच्छ व प्रामाणिक निवडणूक. पण राजुरा मतदारसंघात घडलेले प्रकार पाहता ही लोकशाही काळ्या बाजारात विक्रीस ठेवली गेल्याचे चित्र स्पष्ट होते. धोटे यांनी धक्कादायक आकडेवारी जाहीर केली – ६८६१ नावे मतदार यादीतून वगळली गेली आणि केवळ राजुरा शहरात तब्बल ३१९५ बोगस मतदार नोंदवले गेले. एवढे गंभीर प्रकार घडूनही जबाबदारांवर कोणतीही कारवाई नाही. आमदार मात्र “वोट चोरी झालीच नाही” असे सांगून जनतेची थट्टा करत आहेत. धोटे यांनी या सर्व प्रकाराला “सरळसरळ बनवेगीरी व मतदारांचा घोर अपमान” असे शब्दात फटकारले.

Rajura Politics

नागरिकांना श्रेयासाठी वेठीस धरणे

सोनियानगर व इंदिरानगर घरकुल योजनेंतर्गत काँग्रेसच्या काळात घरे वाटण्यात आली होती. मात्र सध्याचे आमदार त्याच घरांसाठी अर्ज मागवून नागरिकांना दिशाभूल करत असल्याचा आरोप धोटे यांनी केला. इतकेच नव्हे, मृतकांच्या कुटुंबीयांना आर्थिक मदत देताना त्यांना भाजप कार्यालयात दिवसभर बसवून चारवेळा स्टॅम्प पेपर बदलण्यास भाग पाडले गेले. धोटे संतापून म्हणाले, “शोकाकुल कुटुंबाचा अपमान करण्याइतकी नीच पातळी गाठली गेली आहे. हे केवळ श्रेयासाठी नागरिकांना वेठीस धरण्याचे घृणास्पद राजकारण आहे.”

Rajura Politics

विकासाऐवजी प्रसिद्धीचा खेळ

धोटे यांनी आमदारांच्या कार्यपद्धतीवर ताशेरे ओढताना सांगितले की, नागरिकांचे खरे प्रश्न दुय्यम ठरले आहेत. विजेचा लपंडाव, बॅनर-पोस्टरमुळे शहराचे विद्रूपीकरण, महिलांचे आधारकार्ड गोळा करून कूपन वाटप, डीजे प्रकरणात निष्पाप मंडळांवर गुन्हे दाखल – ही परिस्थिती जनतेच्या दैनंदिन जीवनात अडचणी निर्माण करणारी आहे. तरीही आमदार फक्त सोशल मीडियावर गाजावाजा आणि स्वतःची प्रसिद्धी मिळवण्यावरच केंद्रित असल्याचे धोटे यांनी स्पष्ट केले. “प्रसिद्धीच्या खेळासाठी जनता वापरली जाते आणि प्रश्न मात्र पायाखाली तुडवले जातात,” असे धोटे यांनी हल्लाबोल केला.

Rajura Politics

काँग्रेसच्या काळातील कामांची जनतेला आजही साथ

धोटे यांनी आठवण करून दिली की, काँग्रेसच्या काळात उपजिल्हा रुग्णालय, प्रशासकीय इमारती, ग्रामीण रुग्णालये, रस्ते, सौंदर्यीकरण प्रकल्प, वाचनालये अशा शेकडो विकासकामांना गती मिळाली. गोंडपिपरी व जिवती तालुक्यातील जनतेच्या प्रश्नांवर ठोस निर्णय घेऊन उपाययोजना करण्यात आल्या. मात्र महायुती सरकार आल्यापासून राजुरा मतदारसंघातील बहुतेक कामे प्रलंबित ठेवली गेली आहेत. “काँग्रेसने घातलेली पायाभरणीच आज जनतेच्या उपयोगी पडते आहे, अन्यथा विकास पूर्णतः ठप्प झाला असता,” असे धोटे म्हणाले.

Rajura Politics

जनतेच्या डोळ्यात धूळफेक बंद करा

धोटे यांनी पत्रकार परिषदेत दिलेला इशारा ठळकपणे उमटला. त्यांनी ठामपणे सांगितले, “जनतेच्या खऱ्या प्रश्नांवर पडदा टाकून केवळ श्रेय घेण्याचे राजकारण काँग्रेस कधीही सहन करणार नाही. जनता सर्व पाहत आहे आणि योग्य वेळी उत्तरही देईल.” त्यांच्या या विधानातून राजुरा मतदारसंघातील राजकारण किती तापले आहे हे स्पष्ट झाले.

Rajura Politics

पत्रकार परिषदेला अरुण धोटे, सुरज ठाकरे, रंजन लांडे, सुनील देशपांडे, निर्मला कुडमेथे, प्रभाकर येरणे, हरजित सिंग संधु, गजानन भटारकर, ऍड. चंद्रशेखर चांदेकर यांच्यासह अनेक पदाधिकारी उपस्थित होते.

Rajura Politics

ही पत्रकार परिषद म्हणजे केवळ काँग्रेसचा राजकीय कार्यक्रम नव्हता, तर जनतेच्या प्रश्नांकडे झालेल्या बेपर्वाईचे आरोपपत्र होते. धोटे यांनी वापरलेली भाषा, सादर केलेली आकडेवारी आणि केलेले थेट आरोप यामुळे राजुरा मतदारसंघातील राजकीय संघर्ष नव्या उंचीवर पोहोचला आहे. एकीकडे जनतेच्या समस्यांचा डोंगर वाढत असताना, दुसरीकडे श्रेयासाठीचे राजकारण नागरिकांना वेठीस धरत आहे. परिस्थिती अशीच राहिली, तर धोटे यांनी दिलेला “काँग्रेस रस्त्यावर उतरेल” हा इशारा प्रत्यक्षात येण्याची चिन्हे स्पष्ट दिसत आहेत.

What did Subhash Dhote allege in the Rajura press conference?

Dhote alleged that MLAs are ignoring farmers, engaging in credit politics, and allowing voter fraud without accountability.

What was said about farmers in Chandrapur district?

Dhote claimed that despite massive crop loss due to unseasonal rains, Chandrapur was excluded from compensation schemes.

What is the controversy around voter lists in Rajura?

Dhote revealed that 6,861 names were deleted and 3,195 bogus voters were added in Rajura, but no action was taken.

How did Dhote criticize the ruling MLAs’ governance style?

He accused them of focusing on publicity and credit-grabbing while ignoring electricity issues, civic problems, and citizens’ hardships.

#Rajura #RajuraPolitics #SubhashDhote #FarmersIssues #VoterFraud #CreditPolitics #Chandrapur #Congress #BJP #PoliticalAttack #AvkaliRain #CropLoss #FarmersProtest #ChandrapurDistrict #RuralCrisis #PoliticalScam #RajuraMLA #PoliticalNeglect #FarmersJustice #IndianPolitics #MaharashtraPolitics #RajuraNews #CongressVsBJP #CreditHunger #VoterListScam #PoliticalFraud #PublicNeglect #RajuraFarmers #GrassrootIssues #PoliticalCorruption #MLAInaction #OppositionVoice #FarmersRights #DemocracyAbused #RajuraUpdates #RajuraElections #RajuraScandal #LocalPolitics #RajuraDevelopment #GovernanceFailure #RajuraCongress #BJPUnderFire #PeopleIgnored #PowerPolitics #RajuraHeadlines #PoliticalExposure #ChandrapurUpdates #RajuraCrisis #CitizensVoice #PublicAccountability #RajuraNews #CongressNews #SurajThakre #VeerPunekarReport #ArunDhote #DeoraoBhongle #BjpRajura